رآي الممثلون الأميركان الشهورين بالعرب

في البداية : السلام عليكم ورحمة الله وبركاته


أشكرك أخوي ezel على الطرح اللي فتح عيون بعض الغافلين في ناس ما أقول الكل ولكن في ناس يتخبلون على الأجانب ولكن ما يدرون إذا هم يبادلونهم الشعور أو لا ..

طرح متميز وأنا أقول أنه في النهاية الموضوع بشكل عام عبارة عن آراء وليست حقائق أو إقرارات مثبتة وما في شي يدل على كلامهم مثل ما يقولون أنه العرب ارهابيين ..

وصحيح أنه مالهم حق انهم يتكلمون عنا بشكل عام .. بس كثير ما نجوف ناس يحكمون من اللي يسمعونه أو من أول انطباع يخذونه عنهم . ولكن مب كل الأمريكان نفس الشي بعد .. ما أدافع عنهم ولا شي بس عن الحلال و الحرام ولأعطي كل واحد حقه ولأنه هذا هو الواقع مب كلهم متشابهين :}


بصراحة أنا ما اقول مافي عرب ارهابيين , في لكن قلة قليلة ..

ومثل ما شفنا أكبر دليل على أنه مجرد آراء أنه كلهم من بلد واحد وكل حد رأيه يختلف عن الآخر لدرجة أنه في منهم يعترفون أنه بلدهم بتكون السبب في الحروب ... مما يعني أنه كل واحد برأيه ..


وأكبر نفاق استوى أنه توم كروز من أيام ياي عندنا في الامارات وصور عندنا وعاش في خيرنا وألحين يسبنا فأنا ما استغرب صرآحة من اللي يقولونه ..


والعاقل عاقل وكل واحد بوجهة نظره ^^


ومثل ما قال أخوي صوت الإبداع , الجملة الأولى ترجمتها غير صحيحة ...



تحياتي لك أخوي تسلم على الطرح المتميز وتقبل احترامي الشديد :] نتريا جديدك خيوووو