لا تخلي وحده تاخذ مكاني

طالبتـــــــــك أن جـت لحظـه وافترقنـا

لاتخلـي وحـدة تاخـذ مكــــــــانـي

ولاتخلي بيـت رنـــــــــــــــيــــــــــم اللـي بقلبـك

به تعيش انثى ولو بضعـة ثوانــــــــي

ومعك أمــــــــانه يابعـد حيـي وميتـي

لاجلست بجنبهـا غمـض عشـــــــانـي

وأذكر اني قلت لـــــــك ياروح روحـي

أنــــــت ملكي بس ماانـت لحـد ثانـي

أنــــــت قلـب ماانخلـق إلا لقلبـي

وأنــــت روح نبعها سال وسقانـي

وأنت لي وحــــدي ولا كثـري يحــــبـك

غـــير قلب في دروبك لك سبانـي

وكـان وصلـك ياأميـــــــــــــري ماتهيـا

أوعدك ماانســــاكـ لو عمـري نسانـي

وكانهـا الايـام جـــــــــــــادت واجمعتنـا

والله اني لااشعـــــل سنينـك أمانـي

واحتفل بك كل لحظه وأنــــــت جنبـي

وأعزف حروفـي لخفاقـك أغــــــــانـي

وأنــــــثر ورود الولـه واسقيــــك لهفـة

خافق لاغبت لحظه جـــــاك عانـي

وأجمـع سنينـي وأبعثـــــــــرهـا بكفـك

وأسرقك كـــــــلك هنـا بيـن المحانـي

وأفتدي روحك بروحـي يااابعـــــدهـااا

وأنزع همومـك وأطـــــــوقـك بحنانـي

ماأبـي بـــــــــــرد الهمـوم بيـوم يلفـح

خاطــــــــرك وإلا تجـي لحظـه تعانـي

هاااات همك في وسط جوفي وصبه

وكان به غيره تعــــــــــال وصـب ثانـي

وأعطني قربك وانا بعطيك عمـــــري

وأهدني لحظه وخـذ كلـــــــه زمانـي

ياأمنيـــــة عمـري أذا قالـــــوا تمنـي

ويااصدق أنسان بقلبه أحتوانـي

وياملاذي لا بكيت وضــــــاق صـدري

وياوطــــن عمري إذا عمري جفانـي

ياحنـون القلـب ياتاجـــــــــي وعـزي

بك نسيت الناس والغيـت الموانـي

ياهلي وناسـي وكلـي ياحيااااااتـي

وياحواسـي كلهـا دون إنقصانــــــي

بك تشوف العين وأيضا فيك أسمـع

وبــــك أحس الكـون أفـراح وتهانـي

صرت أحس أمك هي أمي بس يفرق

أن ولـدها ماهو من جملـة اخوانـي

آآآآآآآآه منك ياولدهـا كيـف روحـي

سلمت لـك نبضهـا حــــــب وتفانـي

وكيف قلبي عاف كل الخلق لجلـك

وصار لجلك مجرم وأيضـا أنانــــــي

أيــــــه مجـرم مايبـي غيـره يحبـك

ولايبـي عينـــك يشوفـه مودمانـي

وأيه أناني مايبـي فيـك يتشـارك

مع بشر بالكون لا قاصـي ودانـي

وأيه أحبك وماأعيش بدون وصلـك

وأيه أموت أموت في بعدك واعانـي

وأيه كلي فدوتك مـن قلـب اقولـه

بس تكفى(لايجي غيـري مكانـي)