إصطباحيات " جديد واحد "

طبعاً مافي أخبار جديدة مُعلق عليها , مالي نفس اعلق عليها صراحة اشياء تجيب الهم والمرض ..

عموماً خلينا نحول , بما إني من عشاق الألعاب من وانا صغير .. وتقريباً قل عشقي لها مع البلاي ستيشن 3 , الا اني مازلت العب العاب خفيفة , واذا لعبت ألعب اللعبة من قلب

المهم في اشياء كنت مسويها انا ومنزلها في اليوتيوب من فترة , طبعاً كانت استذكار لبعض الالعاب القديمة ..

كراش باش 5 .. مين يتذكر هذي اللعبة ؟

صراحة كانت قمة قمة قمة في المتعة على ايام البلاي ستيشن 1 , كنا نسوي مجموعات ونلعبها باربعة تحكمات

كان اثنين من اخواني الكبار مع بعض , وانا واخوية اللي اصغر مني , وإثنين من اخواتي الكبار مع بعض , وأختي الثالثة مع اختي الصغيرة أخر العنقود ..

طبعاً كانت تصير منافسات شديدة جداً على هذي اللعبة ما اقلكم كيف كانت بس , لانك تلعبها وكل اثنين يكونون فريق مع بعض ..

المهم مرت السنوات وطبعاً الآن ماشاء الله كل واحد متزوج وساكن بعيد واللي مدري وين , فصرنا اثنين بس اللي نلعبها .. انا واخوي الصغير ( هو مش صغير ماشاء الله الآن ثالث ثانوي )

بس جداً الى الآن المتعة قائمة في اللعبة , نلعبها ونضحك ضحك على الهبالات اللي تصير فيها احيانا كذا ولا كذا ^_*

على العموم , هذي جولة كانت مسجلة لعبناها انا واخوي

طبعاً أنا التمساح , وأخوي اختار الكوالا ... وللعلم المرحلة من اختيار اخوي قلتله اختار اللي يعجبك وماعليك , راح امسح فيك بلاط اللعبة



طبعاً الغريب انه ماقدر يفوز ولا مرة , رغم انه محترف واعطيته اكثر من فرصة في الفيديو وطيحت نفسي .. ماني عارف , يمكن عشان التسجيل والتوتر وكذا ؟



يلا ماوقفنا عند هذا , في الردود الجاية في تسجيلات ثانية تعجبكم ان شاء الله ^_*