لا أجد نسخة 64 بت لبرنامج Adobe Photoshop CS5

اختر ما يناسبك أخي الحبيب

حملت لكم البرنامج مباشرة على سيرفر الضياع بطريقتين ، اختار الطريقة اللي تناسبك وتريحك :

الطريقة الأولى : تحميل مباشر للبرنامج دفعه وحده - حجم النسخة : 1.4 GB قيقا بايت ( مضغوطة ) .. وللتحميل المباشر اضغط على أيقونه داونلود التاليه :

الطريقة الثانيه : تحميل البرنامج على شكل أجزاء مقسمة على 10 بارتات مضغوطة - حجم كل بارت أو جزء 160 MB ميقا بايت ماعدا البارت العاشر فحجمه 10 ميقا بس .. ولتحميل الأجزاء اضغط على اسم كل جزء بالتوالي :

الجزء الأول

الجزء الثاني

الجزء الثالث

الجزء الرابع

الجزء الخامس

الجزء السادس

الجزء السابع

الجزء الثامن

الجزء التاسع

الجزء العاشر والأخير

بعد ماتحمل النسخة الكاملة على جهازك ، فك الضغط عنها وراح يطلع معك مجلد جديد بنفس اسم الملف المضغوط ، ادخل على هالمجلد وبتحصل أيقونة حمراء مكتوب عليها SET UP اضغط عليها وكمّل على خطوات الشرح تحت

( ملاحظة : بالنسبة للي حمّل النسخة على شكل أجزاء - فأول شيء يسويه إنه ينقلهم لمجلد واحد ثم يفك الضغط عن أول بارت رقم واحد بس وهو تلقائياً راح يفك الضغط عن باقي الأجزاء بدون تدخل بشري .. بعد مايخلص من فك الضغط راح تشوف مجلد جديد ، ادخل على هالمجلد وبتحصل أيقونة حمراء مكتوب عليها SET UP اضغط عليها وكمّل على نفس الشرح)

بعد ماتضغط عليها راح تطلع لك هالنافذة والخاصة بإستخراج متطلبات التثبيت وتجميع المعلومات الخاصة فيها .. الزبدة انتظر شوي لين تخلص بس انتبه تضغط على كنسل بالغلط

بعد مايخلص راح تطلع لك هالنافذة الخاصة بتثبيت البرنامج ، واللي هي عبارة عن إتفاقية الإستخدام .. اضغط على ACCEPT وكمّل ياسنايدي

في النافذة اللي بعدها ، اختار الخيار الثاني تحت ( تثبيت تجريبي Install this product as a trial ) وراح يطلع لك قائمة منسدلة على اليمين فيها عدة لغات (select language) اختر منها اللغة العربية ، ثم اضغط على زر التالي Next .

في النافذة اللي بعدها ، إذا كان نظام التشغيل عندك 64 بت راح يطلع لك خيارين .. حط علامة صح عند أول خيار بس ( 64 Bit ) .. أما إذا كان نظام التشغيل عندك 32 بت فراح يطلع لك خيار واحد بس يعني مايحتاج تختار ولا تحتار .. المهم إنه بعد ماتختار الخيار المناسب تقوم تضغط على زر التنصيب Install عشان يبدأ بتثبيت البرنامج .

راح يبدأ البرنامج بتنصيب نفسه تلقائياً .. هنا اعتبر نفسك في بريك ورح سو لك كوب شاهي وارجع ترا باقي ماخلصنا .. الزبده هنا مالك إلا تنتظر عدة دقائق لين يخلص التثبيت

وهنا بعد ماخلص البرنامج من التثبيت بشكل كامل ، نقوم نضغط على زر تمّ Done وبكذا انتهينا من عملية التنصيب وباقي بس طريقة تنشيطه عن طريق الباتش

تنبيه مهم جداً هنا : بعد مايخلص البرنامج من التنصيب لاتحاول تفتحه نهائياً إلا بعد مانخلص من عملية تفعيله بالباتش واللي راح أشرحها في الخطوات الجايه

أما الآن فنجي لطريقة تفعيل البرنامج عن طريق الباتش ومثل ماقلت من قبل لاتشغل البرنامج بعد التنصيب إلا بعد ماتخلص من طريقة التفعيل بالباتش عشان تضبط معك ويصير البرنامج مفعل بالكامل

بعد ماتفك الضغط عن ملفات الفوتوشوب في بداية الشرح راح يطلع بوسط المجلد ملف مضغوط خاص بالباتش واسمه : ( Adobe ME Patcher 1.5 ) .. عشان نفعل الباتش لازم نفك الضغط عن هالملف .. فأول ماتفك الضغط راح ينتج مجلد وبتحصل داخله الأيقونه الخاصة بالباتش :

انسخه عن طريق CTRL+C ثم روح لزر ( أبدأ Start ) في الويندوز واضغط عليه واختار ( تشغيل Run ) واكتب مسار البرنامج التالي :

C:\Program Files\Adobe\Adobe Photoshop CS5 (64 Bit)
اذا كان نظام تشغيلك 64 بت

أو

C:\Program Files\Adobe\Adobe Photoshop CS5
اذا كان نظام تشغيلك 32 بت

اذا ماعرفت وش نظام تشغيلك جرب الإثنين واحد منهم بيضبط معك

بعدها اضغط على زر الأوكيه

وراح يفتح لك مجلد جديد ، هنا قم بإلصاق ملف الباتش اللي نسخناه قبل شوي عن طريق CTRL+V .. ثم اضغط عليه بزر الماوس الأيمن ( كليك يمين ) واختر ( تشغيل كمسؤول Run As Administrator )

راح يفتح معك الباتش وراح يطلب منك أول شيء تختار اسم البرنامج .. طبعاً في هالحاله راح تختار واحد من أول خيارين لإنها خاصه بالفوتوشوب لكن على حسب اللي ثبتته أنت في أول البرنامج .. اذا نظامك 32 بت اضغط على أول خيار .. اما اذا نظامك 64 بت اضغط على الخيار الثاني .. باقي الخيارات طنشها

بعد مااخترت الخيار المناسب .. اضغط على زر Patch .. وراح يسألك هل أنت متأكد ؟ قل ايه متأكد ونص اخلص علينا بس

راح يسوي باتش وبعد مايخلص راح تظهر كلمة ( Done ) في خانة Status .. وهذي إشارة على نجاح التفعيل

وهنا بإمكانك أخيراً تشغيل البرنامج والتمتع بمميزاته

وبكذا انتهينا الحمد لله من تحميل وتنصيب برنامج الفوتوشوب بإصدار الأخير والمميز مع تفعيله بشكل كامل وناجح