أيهما تؤول: الحب أم الحرية ؟

وعليكم السلام :~

أهلاً فيك ~

فِ البدايه ناا قرأت موضوعك من اول اضافته بس لضيق الوقت ما صح إليّ اعلّق إلا اليوم !
تانياً مستغربه بأن فش تعليقات بجوز لأن الاغلب حط بباله بأن الحريه هي فقط حُرية الأوطان وأنه موضوع سياسي فَ الكل حب يبتعد !

عن نفسي راح احاول ابتعد قدّر الأمكان عن اي شي سياسي لأن ممنوع ~

لما قرأت العنوان اتوقعت راح تفصل الحب والحريه ! بس فصّلت الحربه ؛ عادي جداً لأنه موضوع بخصك ؛ قبل ما بنسى لأن دائماً بدّخل فِ الموضوع وبنسى أشكر صاحبه ؛ لهيك بشكرك ع اضافة الموضوع وتحريك القسم ~

بالنسبه لي الحب مش الأسم الأول يحياتي او نحكي الرقم واحد بحياتي !
ولا حتى الحُريه ~

ومش بس الحب إله حدود بالعس الحب ملوش حدود ؛ فِ الأصل الحُب بحياتنا اصبح سراب وما نشوفوش إلا بالافلام والمسلسلات لعنة الله عليهم هه ْ~

عن نفسي بحب اشياء ماديه أكتر من البشر هه منها المصاري ؛ وبحب الحيوانات ايضاً اكتر من البشر هه ~

والحب ايضاً بيطال الكون ؛ وبالعكس تماماً بما أنه الكل بتأثر فِ الافلام والمسلسلات وبفكروا بأن واقعنا زي الافلام والمسلسلات لهيك بضحّوا بكتير اشياء لأجل الحب والمصيبه بأنهم بيصحوا بعد فوات الأون ؛ يا حرام ~

حلو الواحد يحب اشخاص بتستاهل تنحب ك أهلنا ؛ ونضحي لأهلنا ؛ مش نضحكي لأشخاص مع الوقت راح يقتلونا وما بيستاهلوا ~

|

نيجي لللحربه :~

اول جُمل انا معك وكانت رائعه ~
وحلو بأنك عرفت الحُريه ونظرت الأسلام فيها ؛ شي جداً جميل ~

بس لو نتعمق عن الحريه متل ما بتحكي فهي كلمه مليانه معاني منها معاني لليوم ما بعرفها !
بس منها هي حُريه الفكر والمتقدات والحياه اللي بنتمناها !
لو بكل صراحه نحكي ؟ يعني بصريح العباره نعمل شو مابدنا ! أكيد بعيد عن أنه نأذي غيرنا !

بس أنه نعمل شو ما بدّنا ! هل احنا بنعمل شو ما بدّنا ؟
هل احنا افكارنا خاصه فينا ؟
هل احنا عايشين بمبادئ اخترعنها لأنفسنا ؟ بدون ما أهلينا اجبرونا عليها ؟
بدون ما مُتقداتنا اجبرتنا عليها ؟

في منّا ؛ بس قليل جداّ جداّ جداّ ! يا دوب عُشر بالميه ؟
ممكن لأن اد راح تكون حُر فِ ضريبه إلها ولأن بنعز اشخاص بدناش نخسرهم ولا هم يخسرونا ويتحسروا علينا ؛ بدنّا نعيش بدون حُريه ؛ هاي هي بكل بساطه ~

اد عمّلت شي مختلف عن التانين ع طول بيحكوا عليك " مجنون " " أهبل " " بيفهمش "
اما هُما اللي برضوا بمعتقدات وافكار كلها خطأ بخطأ " هدول هم بيفهموا "

اد اجى عبالك تحارب هذه المبادئ والمعتقدات " قليل أدب " مش مربى "

بدّك تتمرد بلبسك بكلامك بتصرفاتك " فش براسه عقل "

اذا ً شو ؟ احنا عايشين بحريه ؟ الكل بيعرف الحريه هي : حُريه الوطن من الأعداء ~
محدّش فكر أنه هو نفسه عدو للحريه ؟

والكل بيعرف الحريه " هي خروج السجين من السجن ههه ؛ محدش فكر بأن اللي برى السجن هم عايشين بدون حُريه أكتر من اللي فِ السجن !!!