في أحلامكم هل راودكم ذلك الشعور وذاك الحنين والفضول ؟!

السلام عليكم ..~

بالنسبة إليّ أنا بشوف ان الحلم بتقدر تتحكم فيه ؛ اغلب احلامي وهي تحدث إلا ما اتحكم فيها واغير من بعض المواقف ؛ والسبب انه في بعض المبادئ والحدود ما بتجاوزها بحياتي الواقعية ؛ بحاول الحلم يتجاوزها بس عطول في الحلم بحكي "مستحيل هدا واقع " .. "مستحيل أنا اتصرف هيك تصرف بهيك وقت" ومن حاله الحلم بيغير مجرياته ~

إشي تاني بالنسبة لأحلامي ؛ أد إشي فكّرت فيه كتير ئبل ما أنام إلا ما احلّم فيه ؛ سواء اشخاص وغيرها من الآمور أو شاهدت فلم ~

وانا مش مؤمنة بالحلم إلا اد الشخص نام ع طهارة ووضوء فا ممكن أن احلامه يكون إلها رسالة ~

وكمان الأشخاص المظلومين واصحاب القلوب الصافية والنية الصافية .. أحلامهم فيها رسالة ~

اما احلم بأشخاص ما بعرفهم فا ما صارت معي ؛ قصة أحن إلهم وأحن لحلمي ممكن اد أحلمت بشخص عزيز عليّ مش خاطر ببالي ولا متزكرته فا ساعاتها اتوقع أنه عم يرسل اشارات بأني بباله ~

بشوف ان الاحلام هي مجرد كوابيس ؛ الشيطان بيحاول يلعب بعقلنا ويخلينا نهتم بحلم مش ملموس وننسى الواقع ~

إشي كتير بكرهه في الأحلام هو يأثر الواقع بالحلم وأنه يدخل فيه كمثل الصوت ؛ كتير بدخل منبه بلفوني بحلمي وبحاول اقطع الصوت بحلمي بس بكون لازم اصحى واقطعه عا الواقع ~

؛

هل يراودكم ذلك الشعور أحيانا ؟!

نعم الحنين لأشخاص عزيزين عليّ ~

لأ ما بصيبني الفضول لأن بعرف بأن الشخص اللي أحلمت فيه بستنى بسلامي + مشاغل الحياة ومشاكلها وهمومها ما بتترك وئت لآمور بنظري هي ثانوية بحياتي ~

؛

بشكرك على طرح الموضوع يا صاحبي لأن دايماً مواضيعك بسيطة غير انها بتحكي عن امور بنواجها بحياتنا () ~