тнє ℓιƒє σƒ α ѕιℓєηт мαη

احيانا تحس ان الدنيا كلها ضــــــدك!! واحيـــان اخرى تحسها معــــــــاك ولكن الغريب عندما تحسها معك وبعدين فجأة في نفس الوقت اصبحت ضدك كما قال الشاعر:

مابين غمضة عين وانتباهتها ........... يغيــــــر الله من حـــــــال الى حــــــال

هـــــــذا الاسبوع الي احنا فيه.. كان اسبوع العطلة الشهرية للدراسة في المعهد الي ذكرته فوق,, وفيه لازم الطلاب الي يدرسو مكثف اي احنا يدفعو 100 دولار قيمة الدورة القادمة يعني 21500 ريال بينما الي يدرسوا بالنظام العادي مش مكثف يدفعوا في الشهر 7500 ريال يمني,,,


انا عادة ادفع حق الدورة الجاية وانا لسه بدرس قبل حتى مااخلص الدورة الي انا فيها! لكن هذه الدورة الاخيرة والله جاءت ظروف والدي بالحظ السيئ انه سوى سطح بيتنا بالاسمنت والحديد منشان المطر لو ينزل مايدخل بيتنا ولو تعرفو كم دفع في هذا الشيئ!! حوالي 200 الف ريال يمني!!!!!!


والمشكلة اكبر من هذا لانه قال لي والله ياطه مامعاي الان فلوس الا مايكفي نعيش لاخر الشهر لوما المعاش يطلع وبعدين بعطي لك حق المعهد والمشكلة انو هذا الخميس الجاي تاريخ 26 مارس 2015 كان اخر يوم للدفع واذا مادفعت ماادرس وهذا يترتب عليه مشاكل اهمها::


1-انو المكثف مايعطونك شهادة بعد كل دورة بل لازم تكمل كل الدورات للنهاية وبعدين يعطونك شهادة مما يعني انك اذا وقفت الدراسة ولو شهر فقط خلاص لازم اما تعيد كل الي بدأته او تسوي اختبار قبول ثاني منشان يحددو مستواك وانت مش متأكد انك راح توصل لنفس المرتبه الي انت فيها!!


2-مشكلة تواجه الكثير من الناس!! قالو ( الحــب عـــذاب ) مش ذا وبس بل جميع الزملاء في هذه الدورة هم لي اصبحو كعائلة واخوة واخوات الى جانبها طبعا,,
فانا ماقدرت اصدق هذه الكارثة؟؟ ياللهول ماراح اسجل؟؟ لا مش معقول هذا عذاب ابقى شهر كامل بدون شي لاعمل لادراسة لا شي!!


حسيت ان امري انتهى واظن هذا بسبب شي انا سويته.. لوما طلعت نتيجة الدورة هذه الاخيرة هي كانت صعبة على جميع الطلاب ومافي حدا جاب 90 نهائيا على غير العادة وانا جبت 80؟؟ قهر والله لاني موهوب انجلش مو قضية مذاكرة وبس مع اني ذاكرت كثير بس 80%؟؟ وااو صرعت بالنتيجة ,, لكن قلت مش ممكن اوري ابي هذه النتيجة لازم اني ازورها!! وفعلا والله زورتها بالفوتوشوب عند واحد صاحبي الى 89% لان ابي عارف انو ماحد جاب 90 فراح يسألني كيف جبت 90 يا فهيم؟؟(وانا زورت الشهادة ليش؟ لانه لو عرف ابي اني جيت 80 راح يقول لي ابني مافي داعي تدرس وانت تجيب درجات هكذا!)


فاظن ان الله عاقبني لاني زورت بس من رحمة الله اني دعيته وقلت يامفرج الكروب وغافر الذنوب اغفر لي ذنبي الكبير هذا وفرج عني همي.. وكانت ليلة مطيرة جدا والمطر والبرق بقووة فالحمد لله استجاب الله لي واليوم الثاني تجي امي الله يحفظها تقومني من النوم وتقول لي هاذه الفلوس خذها وروح سجل!!
سبحان الله,,