نقـآش الاأسبوع || اسطورة بلا رجولة

السلام عليكم ..~

عفكره هلكيت انتبهت انو في نقاش فا يلا ..مع اني مش كتير فاهمه النقاش !

||

1. ما معنى الرجولة ب نظرك .؟ 2. هل تظهر الرجولة فقط ب المواقف الصعبة .؟

راح اجمع اجابه السؤال الاول والتاني مع بعض ..~
هي تصرفات اشخاص مهمين عندي واشخاص حواليا بمواقف انا وكعت فيها ما اعرفت اتصرف , هم عليهم يعرفوا كيف يتصرفوا , سواء بقوه او بعاطفه او بحنيه او بكلام او بالهرب , المهم يتصرفوا صح وبالوكت الصح كمان , وكل موقف مختلف وتصرفه مختلف .

||


3. كيف تكون رجل ب كلمتك و تزعم ان لك موقف بها .؟

ههههههه امبين يا صاحبي بدك تخليني اتقاتل معاهم , اسمع من تجارب 98% من كل الشباب اللي مروا عليا بحياتي (كزابين) اد اخوتي كزابين , ولا عمرهم بصدقوا , ولا عمرهم بوفوا بالوعد , ممكن بعد الزن والطوش معاهم لما يزهكوا مننا يطبقوا الكلام , او ممكن يطبقوا الكلام تبع التهديد تبعهم لما بدهم يخربوا بيتنا , لهيك عن حالي , هدا الكلام تبعهم ولا عمري بصدقه , الكلام بطير بالهوا .. لهيك اد وعد وما اوفى وبكصد بكصه الجيزه , فا نصيحه اخربيله بيته وما تسكتي ..~
لهيك يحكي شو ما يحكي بس ما يوعد , لاني ما راح اصدك الكلام , بس بصدك الوعد !


||

4. من هو الجبان .؟ و لماذا يهرب وقت الشدائد .؟

اسمع مرات لازم يكون جبان , ليش ؟ ( اخرتك دمعه وجنازه) على قوله كاريكوكي , بالهدنيا صارت انو لو كنت شجاع بتروح عليك وع اللي خلفوك , امشي الحيط الحيط , ومرات يا عمي كون سوبرمان اد شوفت حالك كدها , اد مكنتش لشو الاحراج والفضايح ..~

||

5. هل تصرفاتك ب المجتمع الخارجي تعكس تصرفاتك بين البيت و العائلة .؟

لما راقبت حالي اكتشفت اني بالبيت وعالنت نفس الشي , بس بشغلي بوظيفتي بكون الطف واحسن وبجامل ولابسه اقنعه , وبرى البيت متل ما انا بالبيت وهدا اشي عاجبني بس مش عاجب اللي حواليا , بدهم البس اقنعه , واشي ما بريحيني ما بعمله بدون مقابل , يعني مش شغلي عشان اتحمل والبس اقنعه .

||

6. لماذا لا تحدد مقدار قوتك عندما لا يراها الاآخريين .؟

مش عارفه هو انا نقص الاكسجين مش مخليني افهم الاسأله ؟!

||

7. هل الرجل فقط من يأتي بالمال و الاشياء الماديةة ام ان هنالك تعريف آ’خر له .؟

استنى كصدك الرجل يعني اي دكر هو اللي بجيب المال . ولا كصدك الرجل يعني هو ممكن يكون دكر بس مش رجال وكد حاله ؟ المهم ..~
والله مش فاهمه هههه , لحظه ! هكليت افهمت ..~
مش مهم يكون رجال ولا لأ , عالجهتين بكدر يجيب المال والاشياء الماديه , نحكي عن المش رجال اد كان متزوج وهو مش رجال فا اكيد هو محكوم من زوجته , يعني هو طرطور , يعني غصب عنه لازم يجيب مال , وكمان شغله مهمه وهي المش رجال اد اعطيته وجه ممكن وعالاغلب ما راح يجيب المال , لهيك لازم ما تعطي وجه لل مش رجال .


||

8. ما هي اأشد المواقف التي يجب ان يكون بها الرجل ظاهر و ثابت .؟

كصدك يعني اقوياء ؟
ههههه , فش فيها لازم اتقاتل معاهم
الحب ههههه ههههه , اد شب ترك حبيبته او هي تركته , المهم يعني انفصلوا ,وعنجد عشقها , بديش اشوف عياطهم , ولا دموع ... واد صار اوعك اوعك حد يشوفها او يعرف ..~


||


10. هل الرجولة خلق ام صفة .؟ و لماذا .؟

كل واحد بعرّف الرجوله عنده اشي , عن حالي هي خلق, ليش ؟ لانو حلو يكون عند الرجل من اصله اخلاق سواء رجوله او غيرها , وغير انه الاخلاق بتكون اقوى وبتأثر على تصرفات الشخص , اما الصفات مؤقته وثانويه ..~

شكرا كتير ع الاساله وع النقاش , ومن تجارب بحياتي شوفت رجوله من ناس ما كان ظاهر عليهم انهم هيك , وشوفت خذلان من ناس كنت اتوقع انهم ارجل الرجال وطلعوا بسوش اشي واوطى من الشفرا ع الارض , ومرات بهمنيش الرجوله بالشب , بس اللي فيه رجوله دايما بحسسني في امان معه حتى من حاله عليا , عنجد كل احترام الهم , لكل واحد عنده اخلاق واحترام , وبرفع قبعتي لعيونهم ..~

وغير انه احنا البنات لازم يكون عنا رجوله , لازم نكون كد حالنا وعن عشر رجال , وممكن هدا اشي يبعد الرجال عنا لانهم بدهوا نكون عجينه بين ايديهم , وبدهم دلع ومياعه , بس لما نتعرض لمواقف وفش رجال , لازم نكون احنا الرجال ونحمي حالنا ..~

شكرا كتير ()