تِبـيْ ذِلـِيْ ؟؟ تهْبَــىَ لاَآْنْتَ وَلاَ هَالْوَقْــتْ يْذِلِنـِيْ ~

لعلمك والزمآن اللي رمآني لك يعلمنـي
بعز النفس وبصبر الشموخ بدمي أرويهـآ

حسبتك من جروح الوقت والأيام ترفعنـي
وتحط روحي على كفيك في عز وتدآريهـا

حسبتك رآس أكيد الرآس للأمجآد يآخذني
ولافكرت مثلك للوطآ عيونه يمشيهـا

تبي ذلي ؟؟ تهبى لاآنت ولا هالوقت يذلنـي
عيونك للوطا وعيني على القمرا معودها

صحيح الشوق لأوراق الرصيف المر يدفعني
وتفاصــيل الحنين هنــاك في بالي أناديـها

ولكن توصــل لنشـوه غــرورك ما تقدرني
تحسبني ارد بأشواق عــمري لك وأهدّــيها

غريبة كنـت احســبنك مع الأيام تعـرفني
مع أنك تدري إني لا بغيت أعميها .. أعميها

صحيح إحساسي ضيعني وطيبي حيل بهذلني
ومعك لا ينفع الإحساس والطيبة ومعانيــها

واذا في يوم أشواقي تبــي عندك توصلني
ومن كفوف الوله تاخذ يديني لك توديها

يمين الله ولا لك غير يمــين الله تحلفني
إذا نفسي توصلني لمثــلك والله لـ أفنيهــآ