قصيدة عن قيادة المرأه

انا عربي والفخـر للعربي = ويكفيني اني نازلن وسط طيبـه
بلد على السنه واهلهـا تـذودي = والموت دون الدين ماهو غريبه
نرد قـول مناصريـن اليهـودي = لعل تشرك روسهم فـي مصيبـه
البنت في حمية عيال الاسـودي = اميرتن والبيـت ماهـو معيبـه
حسبي على اللي قال لازم تقودي = والرجـل لازم يتخذلـه حبيبـه
ياويل من يسمع صياح القرودي = يصبح وفي عقله ثمانيـن ريبـه
الله يشهد والخلايـق شهـودي = والقبر له وحشه وظلمه مهيبـه
ياعنك مانبلش بقـدح الزنـودي = لكـن نبلـش بالعيـن وصليبـه
يوم استظلو تحت ظل العمـودي = يبا يسوي فوق راسـي طليبـه
وين البوم يوم اعتراك الجدودي = فالهند والا وسط ديـره قريبـه
لعـل يومـن جابهـم مايعـودي = اهل الوجيه البايـزه والغضيبـه
قلته وانا عربي وهـذي ردودي = ونفسي عزيزه كيف ابرضا غليبه
الله يامـر بالستـر يـاوجـودي = والبوم يبغا البنت تصبح غصيبه
يالله انا عبدن وببـذل جهـودي = وكلن على ماقيل يلقـى نصيبـه